Heukeshowwer Platt Hä hadde äwwer kinnen Pudding bestahlt
Hückeswagen · hückeswagen Opp dä Seuke nomm Thema holp mi minne Frau dropp. Se meinde: "Sall eck dann de'sn meddach enns Pudding kocken?" "Jo" eck sache. Wie dä Nobbätt ahn sinne freu'ere Verlovvde jekummen wohr, datt wohr janz ehnfach jewässt.
hückeswagen Opp dä Seuke nomm Thema holp mi minne Frau dropp. Se meinde: "Sall eck dann de'sn meddach enns Pudding kocken?" "Jo" eck sache. Wie dä Nobbätt ahn sinne freu'ere Verlovvde jekummen wohr, datt wohr janz ehnfach jewässt.
Hä hadde opp dä ahnen Sitt vamm Islank jestangen. Opp dä angeren Sitt enn Höje vann Pollems wohr datt läckere Irmchen jejangen. Hä hadde jeraupen: "Hallo, Du süßer Pudding kumm enns hie röwwer jeschlabbert!" Ätt wohr tazächlech opp dänn Vörrschlach ennjejangen. Unn so nom datt Schecksal sinnen Loop.
Anger Kiehr hadde dä Siffritt bimm Päsche Chreßdachsjäld jekrärren. Sinn Wecht, datt Älsbätt, hadde förr änn jesacht: "Du häss jo nu dänn Ballech voll Jäld. Eck si noch nie emm Schlotthotel jewässt." Hä meinde: "Wänn Du onnbedengt ehnen opp Vüürnämm maaken wulls. Mi sallet woll ejal si'en!"
Ätt dä datt schwatte Konfermazzijons-Kostüm ahn, hä emm "Kleider-Müller-Ahnzoch" mett Schleps unn Kraren. So wu'eten se ock renn jelotten. Dä "Ober" emm Frack holpe ännen alt uddem Tüüch unn leit se am hengerschden Desch Platt nämmen. Schneewitt Deschdauk. Twee Ke'ezen ahn. Ächde Krisanntämmen enn de Waas. Dä "Ober" persönlech kom mett de Kaate. "Bitte, suchen Sie in Ruhe aus!" Die Twee leiten seck Titt.
Mett dänn völlen Främdwöördern enn dä Speisenkaate komen se nech terächt. Datt Älsbätt kecke seck ömm unn meinde so laut, dattzet all hören kunnten: "Dauen Se ons jenau dattsälwe, watt die Twee hie am Noberdesch häwwen". Dänn vüürnämmen Nobern wohr datt schinant. Datt Älsbätt dreihde seck römm unn meinde: "Se häwwen doch nex dojäjen!?" Die Vüürnämmen kecken konsterniert enn ehre Soppe.
De Soppe kom. "Und nun?" frochde dä blasierde "Ober". "Och, dauen Se ons doch dattsälwe, watt die Twee do ätten!" Allbeneehn horten datt mett. Dann komen twee Kottlättcher ahn Eerpelspürree unn pro Porzijon drei Knospen Schickoree. "Herr Ober" reip dä Siffritt "die Kottletts-Knocken künnen Se förr Ehren Hunk mettnämmen!"
Die vüürnämmen Nobern drunken konsterniert ehren "Kröver Nacktarsch" utt, betahlden, kecken die Twee Heukeshowwer "Normalitäten" vann owwen raff ahn. "Loddet Ännen jodd johen!" reip datt Älsbätt hengerdrenn. Dänn Wien mett dämm schäbbejen Namen drunken die Twee dann ock utt. Dä "Ober" kom. "Wir hätten noch etwas Pudding!"
"Wänn dä opp mott, dann brengen sen!" meinde datt Älsbätt. Dann kom die Räcknong. Die Twee hadden seck vamm angeren Desch die Räcknong alt ahnjekecken. "Twee-enn-dressech-foffzech" stung do. Dä Siffritt lache alt fein affjetaalt datt Jäld opp dänn Desch. Dä Wanille-Pudding wohr flott verputzt. Dä "Ober" kom: "42 Mark dreißig!" "Datt kann nech si'en" eschoffierde seck datt Älsbätt laut: "Vie hadden jenau dattsälwe wie die Twee am Nober-Desch!" "Ja, und Pudding!"
"Moment enns" reip dä Siffritt "wänn Ätt Ehren Pudding nech oppkriejen, dann söllen angere Lüh Ehren Pott uttschrabben. Die nerren-Maak-achtzech künnen Se seck enn de Hoor schmeeren!" Koppräcknen kunnte dä Siffritt. Hä wohr jo bimm Lehrer Schiffer enn de School jewässt. "Dä "Ober" wohr schlee affjetrocken. Die Twee "erhobenen Hauptes".
