Heukeshowwer Plattkaller Datt Schrüwwchen emm Bucknawel
Hückeswagen · hückeswagen (rt) Enn Heukeshowwen jöddet hoopenwies Kaffekränzcher unn Stammdesche vann Fraulühen unn Ke'erls, wo dä ierschde Lack alt vann aff ess. Nu hävve jo Ärntetitt. Ett jödd Jemäus emm Jaaren, watt me dreimol emm Johr plöcken kann.
hückeswagen (rt) Enn Heukeshowwen jöddet hoopenwies Kaffekränzcher unn Stammdesche vann Fraulühen unn Ke'erls, wo dä ierschde Lack alt vann aff ess. Nu hävve jo Ärntetitt. Ett jödd Jemäus emm Jaaren, watt me dreimol emm Johr plöcken kann.
De Buren, wovann ett hie nech mä alltevöll jödd, künnen dreimol emm Johr de Wess meihen. Datt safftechsde Jrass wässt emm Freujohr, dann kütt, wännet We'er mettmatt, dä Juli-Schnett unn janz am Äng dä Jrummet mett dämm Räst, wo mannechmol dä Räst ock vann aff ess. Datt ernnert meck ahn dänn nätten kölschen Fastelowends-Schlarer: "Jo, dä ierschde Plöck ess prima, unn dä twedde Plöck ess jodd - doch dä dredde Plöck verdräht datt Klima, dänn stäcksde Di am bästen ahn dänn Haut!" (Opp Kölsch hödde seck datt jereimt) Retuur tamm Kaffekränzchen unn ahn dänn ehnen oder angeren Stammdesch.
Do sett dann dä "dredde Plöck" mols tesaamen. Meesdens wüürt öwwer Jodd unn alle Wält jeschankt unn wattze vörr staatze Blaren unn Änkel mett dä Durchschnetts-Zensur "1,1" häwwen. Äwwer dann kütt datt zäntrale Thema. Me kallt öwwer Krankheiten. Erjend enn Ersatz-Deel häwwen se all am oder emm Ballech. Ahnjefangen bi dänn dredden Tängen, dann de Höfden, de Knei unn watt me sönns noch all utt dämm Ersazz-Deel- Larer jodd jebrucken künnte.
Datt Liss häddet all. Nodämm ätt datt töscher dämm twedden Latte-Matschiato unn dämm dredden Stöck Pruumenkauken mett Sahne all oppjetahlt hadde, meinde datt twee Johr jöngere Älfriede: "Wänne nu noch datt Schrüwwchen utt Dinnem Bucknawel rutt nömms, dann salls Du woll enneehn fallen!" Dä Färdi hadde amm Stammdesch "De Heukeshowwer Schwadlappen" emmer datt jroote Wo'et. All datt, watt die Angeren sachden, datt wohr janex jähn datt, watt hä opptedeschen hadde. Dänn jröttsden Hecht, dä no dämm Kreich je enn de Bewwer jefangen wuhren wohr, dänn hadde hä ahn de Angel jehatt. Unn dann kütt no drei Pils unn veier Kloren datt Thema "Krankheit" .
"Ätt we'en jo, datt eck mi vörrsechtshalwer vörr säss Johren dänn Blendarm hävv rutt nämmen lotten. Nä, nech enn Ro'er oder enn Weppfürth. Nä, datt wohr mi tee jeföhrlech! Enn de Scharitee enn Berlin!" Nodämm allbeneehn nu jenoch jestaunt hadden, meinde dä Färdi: "Jo, datt kann eck Enk särren. Dä Professer sache ock, wie hä datt Dengen enn de Hank heil, sowatt vann Blendarm hödde hä noch nech jekecken! Hä hätt dänn dann enn Spirritus ennjelacht unn enn de Asserwaten-Kamer, oder wie datt noch enns wi'er hett, obbet Rejaal jestahlt, dommet die Studänten de Uttmote vann Heukeshowwer Blendärmen kännen liehren söllen!" Kallent mi nech vamm dredden Plöck!
