Heukeshowwer Platt Dä Walter hung noch enn Akkoord drahn
Hückeswagen · Heukeshowwen Schad, dattve enn Heukeshowwen kinn Orschäster mä häwwen. Eck mein nu kinne Blosmossek, die me obbem Schöttenfäst so jodd jebrucken kann. Watt mi fählt, ess enn rechtech jroote Kapäll mett Vijjelinen, Schällos, Schrikk-Bässen, Holt- unn Blächblösern vann dänn Zo'ten, die me dobi nech äntbehren kann. Dotau jehört dann ock noch dä janze Klimmbimm vann Trummeln, Becken, Pauken unn die janze angere Batterie mett allem Drömm unn Drahn.
Heukeshowwen Schad, dattve enn Heukeshowwen kinn Orschäster mä häwwen. Eck mein nu kinne Blosmossek, die me obbem Schöttenfäst so jodd jebrucken kann. Watt mi fählt, ess enn rechtech jroote Kapäll mett Vijjelinen, Schällos, Schrikk-Bässen, Holt- unn Blächblösern vann dänn Zo'ten, die me dobi nech äntbehren kann. Dotau jehört dann ock noch dä janze Klimmbimm vann Trummeln, Becken, Pauken unn die janze angere Batterie mett allem Drömm unn Drahn.
Me mott seck froren, watt utt all dännen jewuhren ess, die enn dänn lätzden verzech Johren memm Jeijenkasden dörch Heukeshowwen jeloopen si'en unn die enn dä Mossekschool förr völl Jäld de Flöttepippen-Töön biejebracht jekrärren häwwen. Dodrutt hödde me doch drei Orschäster maaken künnen. Äwwer nä!
Watt wohr datt nätt, wie ett noch dänn Städtischen Mossekverein jow. Eck well märr bloß ahn dänn Kaal erennern. Dä Kapällmeester hadde de "Jahreszeiten" vamm Wiwaldi oppjelacht. Do sache dä Kaal: "Wie Waldi? Känn eck nech!" Wie sinn Nober, dä Ärnz ahn dänn ierschden Vijjelinen ämm vertaalte, wecker dä Vivaldi wohr, do meinde dä Kaal: "Ah dä. Dä ess doch alt so lang doot, watt mövve dämm noch notru'ern unn dämm sinne ahlen Kamällen emmer noch spellen?"
Dä Kaal wohret ock, dä no dämm Konzärt mett Komposizzijonen vamm Brahms emm "Hofjaaren"-Saal oppstung unn sache: "Leiwe Lüh, datt möttend doch taujäwwen: Datt höddent nech vann ons jedacht." Dann hung hä ehnen drahn: "Datt wohr doch ock vörr Enk dä schönsde Samsdach enn dösser Wäcke. Oder nech?" Do wohr vamm Brahms unn dämm sinnen "Unjareschen Dänzen" dä Lack aff jewässt.
Förr alle Fäll moch emm Orschäster enn Klawier watt utthölpen, wänn dä ehne oder angere Mossekant watt schwach opp de Brust wohr. Am Flüjel sot dä Walter. Hä wohr mett allen Watern jewäschen, weil hä enn Berlin enns datt Zarah Leander bejleitet hadde. Nu kom de "Unvollendete" drahn. Datt ess datt nätte Schtöck, watt dä Franz Schubert nech praat jekrärren hadde.
Am Äng vamm twedden Satz, dä Kapällmeester hadde alt uttdirrijiert, madde dä Walter opp dämm "Hofjaaren"-Flügel noch "Plumm, plumm, plumm." Mondachs stung enn de Morjenpost: "Der Pianist vom Musikverein hat am Samstag Schuberts ,Unvollendete' auf seine Weise vollendet."
Enn janz uttjefuxten Klannättist emm Orschäster wohr dä Erich. Hä moch dann ock die Kadenz enn dä Owertüüre "Leichte Kavallerie" vamm Suppé blosen. Am Äng meinde dä Dirrijent: "Datt hävv eck ock alt bässer jehoor.!" Do sache dä Erich: "Äwwer nech vann mi!"
