Heukeshowwer Platt Albätt hadde alt enn Medallje
Hückeswagen · Heukeshowwen (rt) Twee Wäcken lang worve arrech hengerm Schlop: Olümpija enn Rijo de Schanero heil ons mannechmol bess Peerdsmeddach oder ehnt, halwer twee opp. Datt datt nu am Äng ess, passt mi ock nech. Dä Bleck opp dänn Spochtplazz Schnabelsmöll ess dojäjen enn bettchen ehnkäntech. Unn meck dodröwwer oppterären, datt die ATV-Hall nu knallro jestrecken ess, kömmt mi watt arrech wiet äntfärnt vamm olümpeschen Jeist vörr. Vi mötten ons langsam wi'er ahn de Kreislija jewönnen.
Heukeshowwen (rt) Twee Wäcken lang worve arrech hengerm Schlop: Olümpija enn Rijo de Schanero heil ons mannechmol bess Peerdsmeddach oder ehnt, halwer twee opp. Datt datt nu am Äng ess, passt mi ock nech. Dä Bleck opp dänn Spochtplazz Schnabelsmöll ess dojäjen enn bettchen ehnkäntech. Unn meck dodröwwer oppterären, datt die ATV-Hall nu knallro jestrecken ess, kömmt mi watt arrech wiet äntfärnt vamm olümpeschen Jeist vörr. Vi mötten ons langsam wi'er ahn de Kreislija jewönnen.
Wie datt dann nu enn Rijo mett dämm Korrelstoten nech so janz jeklappt hätt, moch eck meck ahn dänn Albätt utt de Purd erennern. Datt wohr so: Opp dämm Spochtplazz hengen am Morjenste'en wohren se am tränieren. Die ehnen sprungen enn de Sankjrube, die angeren leipen seck enn Kippasch öwwer hungert Meter. Wi'er angere hadden enn dönne Daaklatte opp twee Pöhl jelacht unn versochden dröwwerher te sprengen. Drei Mann, dännen me ahnsoch, dattze mehr wie ehne Botter jejätten hadden, dreihden seck baal ömm de ejene Aaße unn steiten enn decke Korrel. Dobie wu'ete memm Bankmot jemätten, wie wiet datt Dengen jeflorren wohr.
Nu wohr ahn dämm Owend dä Albätt utt de Purd mett sinnem Zossen bimm ahlen Heinrich Pohl. Dä moch neuje Haufi'sen häwwen. Datt Peerd, nech dä Albätt. Hä moch enn Schlach wahren, stoppde seck enn Pippe unn jeng enns kicken, watt obbem Spochtplazz am Jang wohr. Do soch hä, wie seck die Drei mett dä Korrel affmeuden.
"Watt maaken Ätt dann do, Ätt Spellhänse? Wieso schmittend dann emmer die Korrel fott?" "Vie üben förren Wättkampf. Vie wöllen de joldene, de selberne unn de brongßene Medaille mett no Heukeshowwen hollen." "Ah so. Dann lottend meck ock enns."Dä Albätt steit datt Dengen utt dämm Stank drei unn halwen Meter widder, wie die Drei. Hä hadde seck dobie nech enns de Mauen ho jekrämpelt.
Die Drei wu'eten so witt emm Jesecht, wie enn Heck vörrem Knei, unn wullten vamm Albätt we'en, wo unn wie oft hä tränierde. Hä meinde drüch: "Ätt künnen enns no mi enn de Purd kummen unn mi tweemol am Dach hölpen, dänn Kauhstall utttemesden, dann schmittend no drei Wäcken de Korrel ock so wiet."
Die Drei sachen förr änn: "Fahr mett ons no Lännäpp opp de Kreis-Meesterschaft, dann es Di enn Medallje secher!" Do meinde hä: "Eck hävv alt ehne. Minn Bulle hätt opp dä Landwertschaftlechen Uttställong opp dämm Krüzzbärch dänn ierschden Pries jematt."
