Onger Ons Jesaht Mai mäkt häppy
Düsseldorf · Nu esse do, dä beröhmde Wonnemonnd!
Wat ene aanständije Mai es, dä lösst et alle Johr widder jröne, blöhe, spreeße. On dat nit bloß drusse em Jröne, bei Flora on Fauna. Nä, och et Finche-Fiona on dä Charly-Drickes föhle widder sojet wie Kribbele on Wibbele en de Fööß odder me Mare odder en de Nas.
Jonge wähde rösech on Alde wähde jong! Kannste mech ene angere Monnd sare, en däm et Usus es, erin zo danze? Och wenn mr kinne jonge Sprenghöppes mieh es, kunnt mr dies Woch hee aan de Düssel öwerall met sinnem Liebche en dä 1.Mai erinjedanze. En de Aldestadt em Henkel-Saal, em Zakk, en din Eckkneip odder en dinnem Tennisclubb, kin "locäschen", wo mr nit e Danzbeen schwenge on de Post afjonn losse kunnt! Nä, wat woren mer all froh, jester am Fridaach lecker lang schlope zo könne, öm sech von de janze Höpperei zo reläkse. So'ne freie Daach medde en de Woch mäkt häppy! On dies Johr - wat e Jlöck! - kunnt mr sojah e lang Wocheäng drus make!
Apropos Liebche! Jrad em Wonnemond Mai soll jo - wenn mr denne Poete jlöwe kann - dä Jott Amor erömjöcke wie doll, öm för sin Jeschosse loss zo wähde. Also pass op, och wenn du nimmieh 2o bes! Rubbeldikatz, bevör mr sech öwerhaups ömkickt, esset passeert! Mr es verknallt on rongkeröm häppy! Hezz on Kopp verlore, Verstand fott, doför Schmedderlenge em Mare!
Afjesenn von Amorjeschosse on Schmedderlenge send och ene Pöngel Polle em Momäng widder drusse am erömfleeje. Met so'n Allerjie kritt e Sensibelche flöck rode Öjelches on et Kribbele en de Nas. Haaaaatschi! On dat mäkt dann janit häppy!
MONIKA VOSS
